Бәйгедә катнашам
Яңалыклар
Календар
| « Февраль 2014 » | | Дүш | Сиш | Чәрш | Пәнҗ | Җм | Шб | Як | | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 |
Саннар ни ди?
Онлайн всего: 1 Гостей: 1 Пользователей: 0
|
 |
Шимбә, 27.04.2024, 02:28 |
| Исәнмесез, Хөрмәтлем! Гость | RSS | СӘГЫЙТЬ СҮНЧӘЛӘЙ  |
| Төп | Теркәлү | Керү |
Аның әсәрләре
Төп » 2014 » Февраль » 18 » Якты юл
|
Сез күрәнсез? Анда ни ул?
Сез аны янгын дисез.
Таң туа! Ул — таң, яраннар[12]!
Ник сез аны белмисез?
Ул ерак димсез? Якын ул!
Мин китәм! Мин таң телим!
Анда — якты, монда — золмәт,
Мин бу золмәтне сөймим!
Булмасын таң! Таң түгел ул!
Янгын, әйе, янгын ул!
Әмма... анда якты, дустлар,
Алда — якты, якты юл!
Якты булсын, нурлы булсын —
Ут кабыз, зинһар, җаным.
Шулкадәр зиһнемдә күп-күп
Тәмле-тәмле уйларым.
Якты булсын, нурлы булсын —
Мин сөямен яктыны.
Күз нурымны байтак алды.
Төн — золым, михнәт төне.
Якты булсын, нурлы булсын —
Кил, утыр, бер сөйләшик.
Бир кулың... күңлем юансын,—
Кайгы күп күңлемдә бик...
Җылмая, уйный кояш. Шат
Гөрләвекләр гөрлиләр.
Күк күгәрченнәр матурлар,
Нинди моңлы гөрлиләр!
Җил җылы. Тәмле яз исе.
Кар бетә — хәсрәтле кар.
Шат кояшның нурларында
Шат балалар уйныйлар.
Тыңлыймын мин гөрләвекләр,
Күк күгәрчен гөрләвен.
Әллә ник бу яңа язга
Мин быел бик сөйнәмен.
|
|
Караулар: 440 |
Өстәде: остаз
| Рейтинг: 5.0/1 |
|
|
