Бәйгедә катнашам
Яңалыклар
Календар
| « Февраль 2012 » | | Дүш | Сиш | Чәрш | Пәнҗ | Җм | Шб | Як | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 |
Саннар ни ди?
Онлайн всего: 1 Гостей: 1 Пользователей: 0
|
 |
Якшәмбе, 05.01.2025, 10:15 |
| Исәнмесез, Хөрмәтлем! Гость | RSS | СӘГЫЙТЬ СҮНЧӘЛӘЙ  |
| Төп | Теркәлү | Керү |
Аның әсәрләре
Главная » 2012 » Февраль » 18
|
Шауламаңыз! Уйламаңыз!
Җырламаңыз! Чү... сабыр.
Фаҗига бар, фаҗига! Бу
Хин[15] авыр, гамьле хәзер.
Чү! Хәзер бер рух, бәләнд[16] рух —
Гаспринский рухы
Гарше әгъляга[17] аша... чү,
Сабыр итә изге кабер.
Бу сәгать — изге сәгать бу,
Кайгы-хәсрәт сәгате,
Бу түгел шатлык вә гашрәт[18],
Вәхши гафләт[19] сәгате.
Ул бәләнд җан безне кыйлды
Мәңгегә мәхрүм, ятим.
Зур матәм, бик зур матәм! Зур —
Милләтеңнең хәсрәте!
Безне кем золмәттә тапты?
Безгә кем күрсәтте юл?
Безне кем хак юлга куйды?
Безне кем үстерде? — Ул!
Ул бәләнд җан! Ул газиз җан!
Безнең өчен яшәде —
Без татарлар хакына... аһ!
Мәңге без матәмдә шул!
Кодси[20] әкренлеккә талды
Мөхтәрәм, һәйбәт кабер.
Ул вәли рух, ул бөек рух —
Инде ул Аллададыр...
Кайгымыз зур... безгә ел да,
Ел да бер матәм килә...
Әкрен, әкрен! Фани дөнья!
Шаулама! Чү... бир сабыр.
Просмотров:
465
|
Добавил:
остаз
|
Дата:
18.02.2012
|
|
|
Аерылганда гына туган илдән,
Сөеп калдым матур таемны
Кемгә генә сөйлим, дусткайларым,
Күңлемдәге каты кайгымны?
Таң алдыннан чыктым илемнән мин,
Газиз әнкәм үпте күземне
Эл дә булса ишетәм, әнкәй генәм,
«Балакаем » ., дигән сүзеңне!
Чит илләрдә кайгым, сагышларым
Саргайттылар күркәм йөземне
Күрергә генә насыйп булыр микән
Тагы да миңа газиз илемне.
Просмотров:
413
|
Добавил:
остаз
|
Дата:
18.02.2012
|
|
|
Йа Ходайя! Рәхмәтеңнән безне мәхрүм кыйлма син!
Күңелебезнең ак күгәрчендәй теләген тыңла син!
Күңлебездә шулкадәр тәмле теләкләр, Раббыбыз!
Пакь иман берлән тибә безнең йөрәкләр, Раббыбыз!
Мәңге мәгъсум, мәңге нурлы булса иде күңлебез!
Әкрен-әкрен, ямьле, һәйбәт үтсә иде гомребез!
Мәңге күрсәт безгә, мәүла, яктылыкка якты юл!
Күңлебезнең ак күгәрчендәй теләген кыйл кабул!
Просмотров:
398
|
Добавил:
остаз
|
Дата:
18.02.2012
|
|
|
Мин сине күрдем төшемдә
Син кояш күк шат идең...
Елмаеп нәзик вә күркәм,
Әллә кемгә баш идең.
Әллә кемгә кул биреп, син
Нәкъ күгәрчен гөрләдең.
Күрмәдеңме шул вакыт син —
Шагыйреңне? Күрмәдең.
Мин егылдым. Әйләнәмне
Сарды ак, салкын болыт.
Син гаиб булдың[14]... Менә мин
Калдым агълап, онтылып.
Төшме бу? Аһ, төш булып та,
Шайтани төш булсас!
Таң туа... Мин йоклый алмыйм.
Аһ, төшем онтылмас.
Просмотров:
440
|
Добавил:
остаз
|
Дата:
18.02.2012
|
|
Мин синең исмеңне ишетәм,
Әллә кемнәр сөйләшә
Тыңлыймын гайбәтләрен дә
Күңлемә кайгы төшә.
Рәушан ай күк нурлысың син,
Ул җегетләр белмиләр
Аһ, синең нурларыңнан ул сукырлар
Тап, җаным, тап эзлиләр.
Якты рухың, нурлы күркең
Сукырайткан күзләрен
Күкрәгемдә рәнҗү яшереп,
Тыңлап утрам сүзләрен.
Мәгъсум исмең иштәмен дә
Калтырап, тетрәп китәм...
Мин генә мәгъсумлегеңне
Мин генә, бәгърем, беләм.
Ничә еллар, ничә илләр
Гиздем, әмма күрмәдем
Күрмәдем мин үз илемне,
Үз илемә кермәдем.
Ничә еллар нурлы йөзле
Бер татар мин күрмәдем
Ни гомер мин хәсрәтемне
Эчтә гизли белмәдем.
Күз камаштырган кояшны
Ни заманнар күрмәдем
Ничә язлар, җәйләр үтте,
Әмма сөенә белмәдем.
Ничә еллар эзләдем ил,
Эзләдем нур, аһ орып
Эзләдем... үз рухымны,
Үз җанымны каңгырып.
Тәмле-тәмле җылмаясың,
Балкытып бәхтең ямен
Син б
...
Читать дальше »
Просмотров:
640
|
Добавил:
остаз
|
Дата:
18.02.2012
|
|
|
Карлыгачым, мин үзеңне
Бик сөям, бик, ахрысы!
Төш кебек күңлемне нурлый
Изге гыйшкың яктысы.
Мин күрәмен күзләреңне,
Сокланам мин, шатланам.
Онтамын дөньямны! Онтам
Кайгыларымны тәмам.
Эндәшәсең, җылмаясың —
Сөйнәмен нәкъ яшь бала!
Балкый күңлемдә тәҗәлла —
Кайгыларым таркала...
Просмотров:
410
|
Добавил:
остаз
|
Дата:
18.02.2012
|
| |
|
|
